دۆنالد ترامپ، سەرۆکی ویلایەتە یەکگرتووەکانی ئەمریکا ڕایگەیاند، "دانوستانێکی زۆر قووڵ" لەگەڵ بزووتنەوەی حەماس ئەنجام دەدات.

دۆنالد ترامپ، سەرۆکی ئەمریکا ڕایگەیاند، دانوستانەکانی "قووڵ و چڕ" لەگەڵ حەماس بەردەوامە.

ترامپ لە کۆنگرەیەکی ڕۆژنامەوانیدا لە کۆشکی سپی ڕایگەیاند، پەیامێکی ڕوونیان بە حەماس داوە و وتی، "وتمان: دەستبەجێ هەمووان ئازاد بکەن، ئەگەر ئەمە بکەن، شتەکان زۆر باشتر دەبن بۆتان. بەڵام ئەگەر نەیکەن، دۆخەکەتان زۆر سەخت و قورس دەبێت."

ترامپ هەروەها ڕایگەیاند کە پەرەسەندنی ناڕەزایەتییەکان سەبارەت بە ئەسیرانی سەهیۆنی لە ناوچە داگیرکراوەکان فشار دەخاتە سەر حکومەتی تەلئەبیب. هەروەها باسی لەوە کرد کە ڕەنگە هەندێک لەو نزیکەی ٢٠ ئەسیر کە لەلایەن بەرخۆدانەکانەوە دەستبەسەرکراون، ژیانیان لەدەستدابێت.

لە لایەکی دیکەوە، بنیامین ناتانیاهۆ، بەناو سەرۆک وەزیرانی رژێمی سەهیۆنی، سەرەڕای ئەوەی کە کەسێکی داواکراوی دادگای تاوانی نێودەوڵەتییە، بەردەوامە لە سەپاندنی مەرجەکانی خۆی بۆ کۆتایی هاتنی شەڕ.

نەتانیاهۆ مەرجەکانی گەڕانەوەی هەموو زیندانییەکان و چەکدانانی حەماس و دامەزراندنی کۆنترۆڵی ئەمنی لەلایەن رژێمی سەهیۆنی لە غەززە و دامەزراندنی ئیدارەیەکی مەدەنی کە مەترسی بۆ سەریان دروست نەکات، خستەڕوو.(İLKHA)